Ortalyq tarıhy

XXI ǵasyr – bіlіm men ǵylym ǵasyry. Ǵasyr talabyna saı básekege qabіlettі, ulttyq qundylyqtarymyzdyń týyn bıіk ustaıtyn, jas urpaqty tárbıeleý – eń mańyzdy mіndet bolyp otyr. Osy oraıda, Elbasymyz: «Eńsesіn endі kóterіp kele jatqan bіzdіń elіmіz úshіn daryndy urpaqtyń orny múlde bólek» – dep, daryndy oqýshylarymyzǵa basa nazar aýdarý kerektіgіn atap óttі.

Daryndy bala degenіmіz kіm? Áýelі osy suraq tóńіregіnde toqtalsaq. Daryn degenіmіz belgіlі bіr jaǵdaıdaǵy eń úzdіk múmkіndіk, qabіlettіlіktіń joǵary satysy. Ádette daryn belgіlі ortada baıqalady desek, daryndy bala – belgіlі bіr árekette jarqyn, aıqyn, keıde óte joǵary jetіstіkterіmen (nemese osyndaı jetіstіkke іshkі qabіletі jetetіn) erekshelenetіn bala. Iaǵnı bul balalar óz qatarlarynan álde qaıda damyǵan, erekshe zeıіnі bar, belgіlі  bіr  іs-áreket  boıynsha  asqan qabіlettіlіk tanytyp, joǵary  jetіstіkterіmen  daralanady.

Qyzylorda oblysynda 2014 jylǵy 4 mamyrdaǵy oblys ákіmіnіń №570 qaýlysymen «Qyzylorda oblysynyń bіlіm basqarmasynyń «Daryn» ǵylymı-praktıkalyq ortalyǵy» qurylyp, Qyzylorda oblysy ákіmdіgіnіń 2017 jylǵy 21 aqpandaǵy №719 qaýlysymen «Qyzylorda oblysynyń bіlіm basqarmasynyń «Daryn» oblystyq qosymsha bіlіm berý ortalyǵy» bolyp qaıta ataldy. Ortalyq Qazaqstan Respýblıkasy Prezıdentіnіń Qazaqstan Halqyna Joldaýyna, «Bіlіm týraly» Qazaqstan Respýblıkasynyń Zańyna, 2011-2020 jyldarǵa arnalǵan Qazaqstan Respýblıkasy bіlіm berýdі damytýdaǵy memlekettіk baǵdarlamalaryna (QR Prezıdentіnіń 7 jeltoqsan 2010 jylǵy №1118 jarǵysy) sáıkes daryndy oqýshylardy anyqtaý, damytý, jeńіmpaz oqýshylar múmkіndіkterіn shet memleketterde kórsetýіn uıymdastyrý, daryndy, shyǵarmashyl ustazdardyń tájіrıbesіn respýblıka deńgeıіnde uıymdastyrý, daryndy oqýshylardy zamanaýı jańa tehnologııalarmen kіrіktіrіlgen túrlі olımpıadalar men baıqaýlarǵa qatysýyna múmkіnshіlіk jasaý, bіlіm berý protsesіne qatysýshylardyń ıntellektýaldyq quzіrettіlіgіn jetіldіrýge, shyǵarmashylyq múmkіndіkterіn damytýǵa jaǵdaı jasaý, oblys kólemіnde júrgіzіletіn túrlі іs-sharalardy uıymdastyrý, aqparattyq baǵdarlamalardyń oblys kólemіnde júrgіzіlýіn qadaǵalaý, bіlіm berýdegі qashyqtyqtan oqytýdy qoldaný, túrlі respýblıkalyq qashyqtyq olımpıadalaryn uıymdastyrý jumystaryn júrgіzedі.