Транспорт саласындағы республикалық байқау

2018 жылғы 24-26 шілде аралығында Астана қаласында өткен оқушылар арасындағы транспорт саласындағы білімдерін тереңдету және осы салаға деген қызығушылығын арттыруға бағытталған байқауға Қызылорда облысынан физика-математика және жаратылыстану ғылымы саласында жетістіктері бар үш оқушы және бір жетекші (Демиденко Евгений – Мұрагер мектебінің 10 сынып оқушысы, Шарип Дамир және Орынбай Сұлтан – №9 “Білім-инновация” лицей-интернатының 10 сынып оқушылары, Бимұханбет Ернар – №9 “Білім-инновация” лицей-интернатының оқытушысы, команда жетекшісі) қатысқан болатын.
Байқау нәтижесінде Қызылорда және Ақтөбе облысы командалары жеңімпаз атанып, 19-26 тамыз аралығында Крэнфилд университетіне (Лондон) оқу-танымдық іс-сапарға бару мүмкіндігіне ие болды.
Жеңімпаздарымыздың ата-аналарына, мектеп ұжымына алғысымызды білдіреміз.

Translate/Перевести/Аудару