«Әлем күнмен, ал адам біліммен жарық болады» тақырыбында мәнерлеп оқу челленджінің
ЕРЕЖЕСІ
Қазақстан Республикасының Білім және ғылым министрлігінің 2021 жылғы 20 мамырдағы №3-15-6/1895-И санды хатында көрсетілген, демалыс кезінде балалардың сауықтыру демалысын, бос уақытын және жұмыспен қамтылуын ұйымдастыру Тұжырымдамасына сәйкес, жалпы білім беру ұйымдарының 10-18 жас аралығында Ыбырай Алтынсариннің 180 жылдығы мерекесіне орай «Әлем күнмен, ал адам біліммен жарық болады» тақырыбында мәнерлеп оқу челлендж (бұдан әрі – Челлендж).
Челленджді ұйымдастырушылар: Қызылорда облысының білім басқармасының «Дарын» облыстық қосымша білім беру орталығы.
Челлендждің мақсаты мен міндеттері:
– Ыбырай Алтынсарин әңгімелері арқылы балаларды имандылыққа, адамгершілікке, еңбекқорлыққа тәрбиелеу.
– Ұлы тарихи тұлғаны есте сақтауға, құрмет тұтуға, үлгі алуға тәрбиелеу.
Жастардың бойындағы Қазақ еліне деген құрметін күшейту, патриоттық сезімді арттыру.
Челленджді рәсімдеу талаптары мен шарттары:
- @syrdaryny инстаграм парақшасына тіркелуі қажет
- Челленджге 10-18 жас аралығындағы оқушылар қатыса алады.
- Қатысушылар челлендж арқылы өздері кімнен қабылдағанын айтып, басқа достарына эстафетаны жолдайды
- Қатысушы парақшасы ашық болуы шарт. Челленджге қатысушы Ы.Алтынсариннің 1 өлеңін толығымен мәнерлеп оқу және келесі оқушыға жолдау
- Өз парақшасына салынған видеоға @syrdaryny инстаграм парақшасын белгілеп, #мәнерлепоқу, #сырдарыны хештегтерін жазу
- Барлық қатысушылар «Дарын» облыстық қосымша білім беру орталығының «Алғыс хатымен» марапатталады.
Челленджді жолдау уақыты: а.ж. 9 тамыз – 15 тамыз аралығы