Мектепке дейінгі білім беру ұйымдарының тәрбиеленушілері арасында «Ата Заңым-айбарым» атты қашықтан облыстық патриоттық әндер байқауы

Мектепке дейінгі білім беру ұйымдарының тәрбиеленушілері арасында «Ата Заңым-айбарым» атты қашықтан облыстық патриоттық әндер байқауының

 ЕРЕЖЕСІ

 

Жалпы ережелер

  1. Қазақстан Республикасы Тәуелсіздігінің 30 жылдығын мерекелеу жөніндегі облыстық іс-шаралар жоспарына сәйкес мектепке дейінгі білім беру ұйымдарының тәрбиеленушілері арасында «Ата Заңым-айбарым» атты қашықтықтан облыстық патриоттық әндер байқауын (бұдан әрі – Байқау) өткізу.
  2. Байқауды ұйымдастырушылар: Қызылорда облысының білім басқармасының «Дарын» облыстық қосымша білім беру орталығы.

 

Байқаудың мақсаты мен міндеттері

  1. Өнер туындылары арқылы қазақстандық патриотизм мен ұлттық мәдениетке деген сүйіспеншілікті қалыптастыру;
  2. Еңбекке, адал кәсіби табысқа, отанға қызмет етуге, жоғары патриоттық ниеттерге оң көзқарастар қалыптастыратын жас ұрпақты тәрбиелеуге ықпал жасау;
  3. Оқушылардың шығармашылық қабілеттерін дамыту және өзіндік жұмыс жасауға белсендіру, бос уақытын тиімді пайдалануға үйрету.

 

Байқауды ұйымдастыру және өткізу тәртібі

  1. Орындаушы сахнада арнайы дайындалған бір патриоттық әнді ұсына алады. Байқауға үздік деп танылған қатысушы туралы мәліметті және орындалатын әннің тақырыбын аудандық/қалалық білім бөлімдерінің ұсынысымен 2021 жылдың 19 тамызға дейін elumiti-orda@mail.ru электронды поштасына жолдану қажет. Кешіктірілген және осы ережеде көрсетілген талаптарға сәйкес келмейтін, ережеде көрсетілмеген орталықтың басқа пошталарына жіберілген және жеке пошталардан келген ұсыныстар конкурсқа жіберілмейді.
  2. Байқаудың облыстық кезеңі Zоом платформасында жеке, дуэт немесе трио түрінде онлайн орындау арқылы өткізіледі.

 

Байқаудың рәсімделу талаптары мен шарттары

  1. Байқау шартына сәйкес келетін әндер/өлеңдер ғана қабылданады.
  2. Байқауға қатысушыларға пікір жазылмайды және қайтарылмайды.

 

Қазылар алқасы және марапаттау

 

  1. Ең үздік қатысушыны іріктеу кезінде мыналар ескеріледі:

– Үміткердің орындаушылық шеберлігі;

– Орындалар әннің тақырыпқа сай болуы;

– Кәсіби сүйемелдеуге көңіл бөлу (аранжировка);

– Әнді жанды дауыспен орындау;

– Сахна мәдениеті мен киім үлгісі;

– Ән айту мәнері мен дауыс ырғағы;

– Киімдердің үйлесімділігі;

– Театрланған қойылымның әнге сәйкестігі.

 

Байқаудың жеңімпаздарын марапаттау

  1. Байқаудың жеңімпаздары облыстық білім басқармасы басшысының І, ІІ және ІІІ дәрежелі дипломдарымен марапатталады.
  2. Байқау нәтижесі 2021 жылдың 20 тамызында syr-daryny.kz ресми сайтында және орталықтың әлеуметтік парақшаларында жарияланады.