«Жадымда қалған Желтоқсан» атты мектеп оқушылары арасында өтетін ақындар айтысы

«Жадымда қалған Желтоқсан» атты мектеп оқушылары арасында өтетін ақындар айтысының
ЕРЕЖЕСІ 

1.1.Жалпы ереже

   1.1. Осы ереже Қазақстан Республикасының Тұңғыш Президентінің, «Болашаққа бағдардар: рухани жаңғыру»  стратегиялық бағдарламасын  жүзеге асыру мақсатында құрылған «Кіші бағдарлама «Тәрбие және білім» іс-шара жоспарының «Жадымда қалған Желтоқсан» тақырыбындағы облыстық ақындар айтысын (бұдан әрі – айтыс) ұйымдастыру және өткізу тәртібін анықтайды.

  1.2. Айтысты ұйымдастырушылар: Қызылорда облысының білім басқармасының «Дарын» облыстық қосымша білім беру орталығы

2. Айтыстың мақсаттары мен міндеттері

Айтыстың мақсаты –  Қазақстан Республикасының тәуелсіздігінің бастауы болған Желтоқсан оқиғасының тарихи, ұлттық құндылығын суырып салма сөз өнері арқылы таныту, Желтоқсан оқиғасы құрбандарының азаматтық бейнесін халық санасында жаңғырту, тәуелсіздікті жырлау.

Міндеттері:

• шебер сөз құрау мен жоғары дең­гей­дегі поэзия арқылы мемлекеттік тіл­дің­ арнасын кеңейтіп, дамыту әрі насихаттау;
• талантты, дарынды жас ақын­дар­дың ақындық шеберлігінің шыңдала түсіп, көпшілікке танылуына мүмкіндік жасау; 
• қазақстандық патриотизмді дәріптеу.

3.Айтысты ұйымдастыру мен өткізу тәртібі

3.1. Айтыс екі кезеңнен тұрады.

      1-кезең – аудандық (қалалық).

3.1. Бірінші кезең-(аудандық/қалалық) а.ж. 3 желтоқсанына дейін өткізіліп, хаттама және ұсыныстар kosymsha.bilim.bery@mail.ru электронды поштасына     а.ж. 3 желтоқсанына дейін жіберілуі қажет. 3 желтоқсаннан кейін жіберілген ұсыныстар қабылданбайды.

3.2. Екінші кезең (облыстық кезең) а.ж. 8 желтоқсан күні өткізіледі.

3.3. Айтыс І және ІІ кезеңде 2 айналымнан тұрады. 1-айналымда айтыскер ақындар жеребе бойынша айтысады.

2-айналымда ұпай саны жоғары айтыскерлер іріктеуден өтіп, сол жерде ұсынылған тақырып бойынша айтысады.

3.4. Айтысқа қатысушыларға қойылатын талаптар:  Ақындар жеребе тарту әдісі арқылы жұптарға бөлініп айтысады.

3.5.  Ақындардың сөз сайыстыру (айтысу) уақытының ұзақтығын қазы­лар алқасы белгілейді

1. Тақырыпты ашуы, одан ауытқымауы;
2. Ұлы Дала тарихын терең меңгеруі;
3. Суырыпсалма дарыны;

4.Ой тереңдігі мен сөз тапқырлығы;

5.Сахна мәдениеті мен орындаушылық шеберлігі

4. Айтысқа қатысушылар

4.1. Айтысқа аудандық (қалалық) әр сыныптан  үздік деп танылған           1-кезеңнің жеңімпаздары қатысады. (5-10 сынып оқушылары)

4.2. Қатысушы оқушылардың өмір қауіпсіздігін сақтау және уақытылы келуі мен қайтуына қалалық, аудандық білім бөлімінің басшылары мен облыстық мекемелер басшылары жауапты болады. 

5. Байқаудың жеңімпаздарын марапаттау

Айтыстың жеңімпаздары облыстық білім басқармасының І, ІІ, ІІІ дәрежелі дипломдары және бағалы сыйлықтармен марапатталады.

Жеңімпаздар мәліметі ұйымдастырушылардың әлеуметтік желілердегі парақшаларында (Сыр Дарыны, instagram; facebook;  syrdaryny) жарияланатын болады.

Облыстық айтысқа ұсыныс төмендегі кесте бойынша қабылданады: 

№	Оқушының аты-жөні	Аудан/қала	Мектебі	Сыныбы	Жетекшінің аты-жөні/байланыс телефоны

 (Өтінім қалалық, аудандық білім бөлімдері мен облыстық мекеме басшыларының қолымен ғана қабылданады)