Tsıfrly Qazaqstan

Қазақстан Республикасы Үкіметінің 2018 жылға арналған жұмыс жоспарын іске асыру мақсатында жəне «Цифрлы Қазақстан» Мемлекеттік бағдарламасы аясында Қызылорда облысы бойынша 293 (100%) жалпы білім беретін ұйымдар mektep.sitcen.kz  ақпараттық жүйесі арқылы 1-ші сыныпқа қабылдау жүргізілуде. Білім беру мекемелеріне қызметкерлерді жұмысқа қабылдау жүйесі автоматтандырылды.

«Цифрлы Қазақстан» бағдарламасы аясында тұңғыш рет қолға алынған жоба сынақтан сәтті өтіп, тиімділігін көрсеткен. Енді маусым айынан бастап, мектепке баратын бүлдіршіндердің құжаттары рәсімделеді. Электронды портал күні-түні жұмыс істейді. Сондықтан ата-аналардың онлайн режимінде өтініш беруіне толық мүмкіндіктері бар. Сондай-ақ халыққа қызмет көрсету орталықтарының да көмегіне жүгіне алады. Бірақ олардың ертерек қам жасағандары дұрыс дейді білім бөлімінің мамандары. Себебі әр мектеп белгіленген бала санынан артық қабылдай алмайды.

Бірінші сыныпқа баратын ұл-қыздардың құжаттарын электронды түрде қабылдау екі тарапқа да оңтайлы. Ата-аналар үйден шықпай баласының құжатын электронды түрде тапсыра алады. Құжаттарды электронды түрде тапсыра алмайтын ата-аналар бұрынғысынша, мектептің өзіне барып тапсырады. 1-сыныпқа құжаттар тапсыру үшін https://mektep.sitcen.kz сілтемесі арқылы тіркелуге болады.


Қызылорда облысының барлық мектептеріне jumys.sitcen.kz порталы арқылы қатардағы қызметкерлер мен педагогтарды жұмысқа қабылдаудың автоматтандырылған жүйесі енгізілген.

Аталған жүйе жалпы орта білім беру ұйымдары педагогтарын жұмысқа қабылдауды және мектеп директорларын конкурстық тағайындау барысын автоматтандырады.

Сондай-ақ, білім ұйымдарындағы техникалық қызметкерлердің бос орындары жайлы хабарламалар орналастырылған.

Тың жоба орта білім беру ұйымдарына педагог кадрлар мен қызметкерлерді жұмысқа қабылдау кезінде ашықтық пен жариялылықты қамтамасыз етеді. Сонымен қатар мұнда бос жұмыс орындары да жарияланады. 
Жоба «Цифрлық Қазақстан» бағдарламасы аясында қолға алынып отыр. Ақпараттық жүйе электрондық еңбек биржасымен интеграцияланған.

«Құжатын сайтқа орналастыру, жүктеу арқылы бірінші бағалаудан өтеді. Екінші тестілеуге жіберіледі. Тестілеудің нәтижесін алғаннан кейін ғана әңгімелесуге келеді. Оған дейін жұмыс іздеушінің басшыға кім екені белгісіз болады. 
Сайт күнделікті ашылып, қаралып отырады. Енгізілген әр бос орын мен жұмыс іздеушінің құжаты 5 жұмыс күні базада сақталады.

Педагог және қызметкерлерді іріктеу және жұмысқа қабылдау  бойынша https://jumys.sitcen.kz сілтемесі арқылы тіркелуге болады.


Цифрландыру саласы бойынша соңғы жаңалықтар

Загрузка...